Текст песни Юкече - Йолташем ала-мо лийын

Йолташем ала-мо лийын

Мутшо Л. Иксанован, семже С. Яндукован

Йолташем ала-мо лийын:

Огеш шыргыж йӧршынат,

Шып шинча, огеш мутлане,

Ала-мом эре шона.

Припев:

Йолташем, мылам каласе,

Мо вара тый лийынат?

Кушто воштылмаш ондаксе?

Молан ойгыра шинчат?

Йолташем огеш вашеште,

Кугун веле шӱлалта.

Ончалеш, ойган, окнашке,

Да адак шинча шыпак.

Припев:

Йолташем, мылам каласе,

Мо вара тый лийынат?

Кушто воштылмаш ондаксе?

Молан ойгыра шинчат?

А кунам вес класс гыч ӱдыр

Воштылын воктеч куржеш.

Йолташемын чарна шӱлыш –

Кече семын волгалтеш.

Припев:

Йолташем, мылам каласе,

Мо вара тый лийынат?

Кушто ойгыжо ондаксе?

Молан воштылеш шинчат?