Текст песни Стигланаш хиллера латтанна куро еш... - Iела АтагIара

1
Стигланаш хиллера латтана куро яш
Мухьаммад-Пайхамар шайца ву ва бохуш.
Ва малх, бутт, седарчий шена чохь ду ва бохуш,
Ша еза ю хьуна Aлхьамдулилла́хI
2
Вай Делан маликаш, маликин тасбихьаш,
РукуIаш-сужудаш шена чохь ду хьуна
Вай Дела нуьраца ша лепаш ю хьуна,
Ша еза ю хьуна Aлхьамдулилла́хI
3
Вай Делан Лавхьул-Махьфуз шена чохь ю хьуна,
БархIи а ялсаманийн ниIматаш шена чохь ду хьуна
Вай Делан хазнашкахь ша сецна ю хьуна
Ша еза ю хьуна Aлхьамдулилла́хI
4.
Вай Делан вовзар нур шех гучу дуьйлуш ду
Хазалий-хазнашкахь хьо деза ду латта
Латтано ма элира ша тахана гIелделла
И вай Делан болх бу-кха Aлхьамдулилла́хI.
5.
Дала Шен цIарах цIе хIоьттина, нуьрах-нур делла
Долучу Iаламехь эла вина Mухьаммад лаьтта тIе воьссира
И вай Делан вовзар хаза нур лаьттах дIахьарчира
Латтанаш дазделира Aлхьамдулилла́хI.
6.
Латтано ма элира цу хазачу стиглане
ХIинца ахь шега ладогIахьа ва хаза стигланаш!
Ахь хьайна чохь ю бохуш мел йийцина ерриге
ниIматийн серлонаш, Дала шен дуьхьа кхоьллина
Mухьaммaд шен букъа тIехь ву хьуна,
Ша деза ду хьуна Aлхьамдулилла́хI.
7.
Стигланаш къаръелира - латтанаш дазделира
Mухьaммaд-Пaйxaмaр шена букъ тIе воссарна
Mухьаммада умматах вай Дала вай кхолларна
Цу вай Далла хастам бу AлхьамдулиллахI